蝸居裝修大法 4招助您增加細單位空間感

為咗迎合年輕人嘅上車需求,近年各地產發展商推出好多細單位甚至納米單位,香港人嘅居住面積就越嚟越細。一諗到要為自己個單位裝修,確實係一個大挑戰,因為狹小嘅單位會令裝修難度倍增。想喺細單位都住得舒適自在,就要喺設計方面加點心思啦,裝修時要考慮有足夠嘅儲物空間,同時又不能令蝸居失去空間感,不妨參考以下幾個方法:

1. 清理雜物 善用多功能傢私

納米單位只有不足200呎嘅空間,當儲物空間欠缺嘅時候,業主首先要做嘅就係清理雜物,將無用嘅雜物扔掉之後,有紀念價值而不想扔掉的物品,就可以選擇存放於迷你倉內。其次就係善用多功能傢俬,例如可以變成睡床嘅梳化,喺唔改動原有間隔嘅情況下,隨意地改裝活動空間。

2. 選用淺色家具及墻身

顏色可以影響觀感和情緒,選用淺色較易令人覺得舒適,同時亦可拓展空間感,反之選用深色會加強壓迫感。同時,以黑、白、灰的傢俬作配搭,可以使蝸居嘅裝修簡約得嚟又帶點高雅。

3. 善用鏡面

鏡子除了可以映照一個人嘅儀容之外,亦係一個具有功能性嘅室內設計工具。適當咁運用鏡面做裝飾,能有效拓展視覺上嘅空間感,無論喺房間或玄關位置,都可以裝上鏡子。但有樣嘢要注意,就係傳統鏡面會顯得較為銳利,而採用有色嘅鏡面會令觀感上稍為柔和一啲,較符合簡約嘅裝修風格。

4. 加建地台

加建地台能有效增加儲物空間,以往嘅裝修設計大多以地台床為主,但近年部分業主傾向客廳都使用地台設計,以擴大空間層次感。比較大件同埋唔常用嘅物品都適合安置於地台裡面,例如行李箱和被舖。另外,可以考慮喺地台梯級邊嘅位置加上燈槽,增強空間感。

睇完之後,有無比到啲裝修靈感你呢?如果利用裝修設計都未滿足到你嘅儲物需求,不妨使用迷你倉服務去幫你儲存一啲「唔捨得遺棄」或「未用得著」嘅物品,可能每個月用幾百蚊租個倉就足以解決你嘅儲物煩惱!蘋果迷你倉現正進行推廣優惠,凡新客戶於指定分店預繳租倉即享低至78折優惠!查詢或預約睇倉:8208 9822。