【128呎龍床盤】港人居住面積只剩床位大小?

「紫禁城再大,皇帝都係瞓張床!」地產發展商以此金句作為推銷屯門區新盤「菁雋」128平方呎特細單位,即時成為城中熱話,自此該類型單位就被戲稱為「龍床盤」。菁雋「龍床盤」最低入場費只需174萬,以樓價嚟講的確幾吸引,但呎數僅得128平方呎,比一個標準嘅私家車車位135平方呎仲要細,試試想像一吓自己住喺一個「車位」入面,每日對住四面牆,真係分分鐘抑鬱呀!儘管如此,「龍床盤」仍然吸引過千人遞表申請。

屯門菁雋「龍床盤」示範單位。(圖片來源:網上資訊)

以小編愚見,如果係買嚟作投資或者收租用途,都可能有唔錯嘅投資潛力架,畢竟好多單身人仕或情侶都有搵細單位居住嘅需要,而由於呢啲需求往往可能係短期而且係過渡性質嘅,暫時租地方住就會係呢類人仕嘅一個好選擇;此外,如果覺得售價理想而又鄰近工作地點,買「龍床盤」嚟自住亦都未嘗不可,不過要留意一點,就係假若買「龍床盤」作自住用途的話,可能就要做好將來需要換樓嘅準備,因為他日如果組織家庭嘅話,現時嘅空間就一定唔夠全家人一齊生活啦。

細單位越出越細,莫講「龍床盤」咁極端嘅例子,市面上200至300平方呎嘅細單位比比皆是,居住空間如此狹小,就算用上最慳位嘅室內裝修設計,儲物空間亦捉襟見肘,本來好多家中必備嘅物品,例如被舖、換季衣物、或小型電器等,都未必有足夠嘅空間存放,如果自己又忍唔到手keep住買嘢的話,屋企嘅雜物就肯定會堆積如山啦……

家中唔夠儲物空間點算好?其實都可以諗諗迷你倉嘅儲存服務。蘋果迷你倉緊貼客戶嘅需要,提供不同面積嘅迷你倉。每月只需幾百蚊就可以租用相等於一張單人床大小嘅儲物空間,分店遍佈港九新界,方便你隨時存取物品,咁就算蝸居唔夠位,都可以好好收藏自己嘅物品,唔使吓吓都「斷捨離」啦!查詢及預約睇倉:8208 9822。