【淘寶實戰】頻遇黑店?教您篩選可靠的淘寶商店

淘寶對於好多人嚟講已經唔係單純一個購物App咁簡單,仲係資訊非常豐富嘅綜合性平台,就算你唔購物,得閒碌幾吓,會發現「林林總總」、「奇形怪狀」、「估你唔到」嘅小商品,完全刷新你對生活嘅認知!之不過,相信你都曾經試過「貨不對板」嘅經歷,簡直好似買左第二樣嘢咁,遇上呢類黑心嘅商家,除左話唔好彩之外,都要怪自己冇「帶眼識人」,以下教大家幾個識別方法,下次淘寶就識得篩選高質素嘅商家!

1. 查看追加評論」

為防止賣家刷評論,你一定要看「追評」,最好係超過一個禮拜或以後嘅追評,因為「追評」係賣家刷唔到嘅!!!比如一般人剛收到衣服,大致看看外觀如果冇問題都會給賣家好評,但穿著一段時間後發覺品質有問題,就會使用追評來發洩不滿,所以追評會比較有公信力。

2. 查看「差評」

其實皇冠、金冠賣家,好多所謂嘅好評係用錢刷出來的,賣家會給「好評返現」俾顧客,意思係只要顧客肯俾好評,就會回贈部分金額。賣家甚至會打電話俾寫差評嘅顧客,要求將差評修改成好評,所以全部好評唔代表一定可靠,買家自己要懂得判斷,或查看「差評」以了解商品的不足之處。

3. 留意評論區的細節圖

以買衫為例,圖片上係無法看到質感,而且所謂網紅店嘅衫一般好壞參差不齊,就算係店舖嘅Model實拍,亦有可能Model著嘅係樣板,實際賣出去嘅貨係唔一樣。所以,購物時一定要關注評論區內其他買家提供嘅細節照片。

圖片來源:網上資訊

4. 查看「相似商品」

淘寶店舖成千上萬,並非每間店都有好嘅品質。要點樣挑選?其中一個方法可以使用「相似商品」的功能。只需點擊「相似商品」,同類型的商品,其價錢、評分、銷量都一目了然,有助買家篩選合適的店舖。使用「相似商品」功能嘅另一個重點,就係盡量避免購買銷量最高或最便宜嘅商品,因為銷量高有機會係商家刷出嚟,反而有時候銷量只有數十件嘅,品質都好好;其次係一分錢一分貨,價錢太低,往往係做工非常差或者使用咗劣質嘅物料。

5. 選擇天貓旗艦店

淘寶與天貓旗艦店嘅分別,就係前者嘅認證較少,較大機會出現假貨、劣貨,買家需要非常細心挑選,甚至貨比四家、五家;而後者就係通過認證嘅官方旗艦店,保證正貨,可能價錢會貴少少,但起碼質量會有保證!

小貼士:買淘寶冇人幫您收件?剛起步創業嘅您工作繁忙無法親自收貨?揾蘋果迷你倉幫您啦!蘋果迷你倉於指定分店設有代收件服務,您只需預早通知職員,職員便會幫您收取各種貨物,包括速遞件及網購商品等,並安放在您的迷你倉內,收貨後亦會拍照記錄及作出通知,猶如你親自處理一樣,為您節省不必要的等待送貨時間!查詢及預約睇倉:8208 9822。