【究竟係床定係牀】多功能床如何拯救蝸居?

隨著香港越來越多納米盤、龍床盤嘅出現,業主往往喺裝修設計時將「慳位」視為首要目標,因此能夠一物多用嘅多功能傢俬已成為大勢所趨!事不宜遲,一齊嚟睇睇多功能床點樣打造實用性居所啦!

延伸閱讀:蝸居裝修大法4招助您增加細單位空間感

1. 電子升降床

相信大家對變形床都唔陌生,大部分都係由梳化變成床,不過就要人手操作,而且需要橫向延伸空間,意味著瞓覺前要搬開周圍嘅物品,先有足夠空間將梳化打開變成床,某程度上都唔太方便。而最新面世嘅電子升降床完全毋須人手操作,只要輕觸按鍵,電子床便會自動上下升降,早上起身後可將床升上天花隱藏起來,還原客廳,堅係「離地」呀!電子床能善用垂直嘅空間,承重可達700公斤,安全性高,真係幾啱納米盤用架,不過價錢都同樣有少少離地,動輒都要成幾萬蚊架!

(圖片來源:網上資訊)

2. 隱形床

以龍床盤嚟講,放一張雙人床,再加個衣櫃,幾乎已經冇剩餘嘅空間擺放其他物品。若採用隱形床,就能將床偽裝成牆身和梳化,瞓覺前將睡床放低,房間即刻秒變成睡房,真係慳返唔少位!你亦可以根據個人喜好選擇其他功能來配搭隱形床,例如餐桌、衣櫃、書檯等,空間嘅用途隨意切換完全無難度!

隱形床與梳化的配搭。(圖片來源:網上資訊)
隱形床與書桌的配搭。(圖片來源:網上資訊)

3. 三合一組合床

三合一組合床同時配備了單人床、衣櫃、及書檯,只需要扣上安全帶將床舖固定,翻起來即可轉換成書檯模式,書檯上方仲配備埋衣櫃,簡單一個組合櫃就能解決生活所需,的確係蝸居嘅救星呀!

(圖片來源:網上資訊)

4. 多功能儲物床

儲物床應該係香港人最常用嘅床款之一,佢最大嘅優點係方便存放較大型嘅物件,例如一箱箱嘅換季衣物、行李箱、抽濕機等。儲物床嘅優點係可以將不常用嘅物件全數收納於床下底,而床嘅設計亦都方便隨時拿取,咁就唔怕要攞返啲物品出嚟嗰陣要大費周章啦!

(圖片來源:網上資訊)

想喺蝸居住得舒適,真係不得不花多點心思去用盡每分每寸!若然諗盡辦法都真係唔可以放哂啲嘢响屋企,咁不如考慮喺屋企附近租返個迷你倉啦!每月只需花費數百元,就可以有更多空間收納您嘅個人物品,屋企唔使再逼逼夾夾!蘋果迷你倉分店分佈在港九新界,有24小時冷氣開放,客戶憑智能卡可24小時進入分店存取物品,您完全可以放心租用。查詢或預約睇倉:8208 9822。