淘寶實戰 天貓免運到家+注意事項

明明寫住淘寶實戰,又關天貓咩事?其實天貓同淘寶都係阿里巴巴集團旗下嘅網購平台。淘寶就係一般人都可以開嘅店,而天貓就係專門比大品牌開旗艦店,開店需要經過嚴格嘅審核。天貓近年為開拓香港市場,部分商店推出香港地區包郵優惠,仲可以送貨上門,對淘友嚟講簡直係大福利!

延伸閱讀:
【淘寶實戰】集運教學+集運公司價錢比較
【淘寶實戰】頻遇黑店?教您篩選可靠的淘寶商店

天貓包郵到家

大家首先要了解清楚,並非所有天貓商品都免郵,只有天貓超市天貓全球官方店裡面嘅商品先有做香港包郵嘅優惠。進入天貓超市或天貓全球官方店,第一件事就係要確認定位係「香港」,當商店識別到位置時,就會顯示香港免運嘅貨物啦。

究竟天貓全球官方店同天貓超市係咩嚟?簡單嚟講,天貓全球官方店係全球免運,讓海外買家都可以享受免郵優惠嘅店舖都集中於此;而天貓超市就類似香港嘅HKTV mall咁,各類家居百貨、母嬰產品、進口或國產零食等應有盡有。

在天貓全球官方店,消費金額不設下限,均免運到港,如下圖所示,購買一個¥29嘅收納箱直送到港都係免運費架!

在天貓超市(香港)裡,平時只需買滿¥199便可自提免運費(10kg內),買滿¥249可包郵送上門。如有促銷活動會全場免運費,就算買一件都包郵,例如38女王節、618年中大促、雙11等,都會免運到香港架! 所以,其實天貓超市嘅免運條件會因應優惠而改變,如果驚自己唔知頭唔知路「計錯數」或「去錯版面」,就要喺結算前睇清楚係咪免運費啦!

天貓香港免運物流政策
重量限制 尺寸限制 超重收費 配送時間 免費存貨期 過期收費 通知方式
天貓全球官方店 10kg 單邊不超100cm,長寛高之和不超200cm N/A 發貨後5個工作天內 3個工作天 $10/天/件 短信/電話
天貓超市(香港) 10kg N/A 自提:¥13/kg
宅配:¥37/3kg
發貨後3個工作天內 3天 $5/天/件 電話

注意事項

雷區一:天貓、淘寶購物車貨物易混淆

有時喺淘寶見到啱嘅野就放入購物車,到天貓時又用番同一架購物車,計數埋單時好容易將淘寶貨(無得直送香港嘅貨)入埋落單!咁係因為淘寶同天貓嘅購物車係互通嘅,要避免以上情況,你需要從天貓超市或天貓全球官方店嘅介面進入購物車,咁就只能見到天貓嘅商品,所以大家記得淘寶同天貓嘅貨品要分開結算呀!

雷區二:快遞員收取上門附加費

天貓官網已註明「店舖已支付上門附加費和偏遠地區附加費,您無需額外支付」,但有買家反映仍有快遞員索要住宅上門費用,由$20至$25不等。如快遞員強行收取費用,買家可選擇拒收件,第一時間留低快遞員資料,向天貓客服查詢,避免有快遞員「搏大霧」收取額外費用。

雷區三:部分地區不支援派送

天貓不支援派送的地區:海洋公園、所有離島區(長洲、南丫島、平洲、蒲台島、果洲、索罟群島、吉澳洲、塔門洲、龍鼓洲等)、大嶼山、馬灣、東涌、迪士尼、愉景灣、梅窩、貝澳、塘福、大澳、石壁、昂坪、小蠔灣、及機場貨物站,所有需申請禁區許可證範圍一律無法派送。所以,喺以上地區嘅朋友,可選擇到天貓超市自提點天貓全球官方店自提點領取貨物!

小貼士:經常網購嘅您是否覺得家中物品繁多難以收納?可以搵蘋果迷你倉幫您!又或者使用at HOME上門迷你倉服務,專業運輸團隊為您上門收取物件,再將物件安全地運送至倉庫,待您有需要時再幫您將物件送回府上,省時方便!查詢及預約服務:8208 9822。