嬰幼兒喺成長過程中需要唔同玩具去訓練身體上各項感官能力，因此家長需要配合BB嘅成長需要，選擇適合嘅玩具。如果玩具揀得唔啱或者過多，除左浪費錢之餘，仲可能會令BB失去自信心以及影響專注力架。即刻睇睇以下配合BB不同階段需要嘅玩具推介啦！

延伸閱讀：
如何培養「無律期」小朋友收拾習慣？
【家居百搭清潔劑】5條梳打粉使用公式

【階段一】0至3個月：黑白卡、彩色卡

新生嬰兒視覺發展未健全，只能看見非常模糊嘅黑白兩色，視覺範圍亦只有20公分。此時家長可以為BB準備黑白卡及彩色卡，左右慢慢地移動卡片，並且將卡片拉近及拉遠，咁做有助刺激BB對於黑白、光暗嘅感受。隨住BB嘅視覺發展，喺黑白色之後，BB最早能夠睇到嘅顏色係紅色，因此紅色嘅物件會較易吸引BB嘅眼球！

【階段二】4至6個月：咬咬膠、搖鈴等手握玩具

4至6個月嘅BB開始有出牙仔嘅跡象，佢哋首次發現原來自己擁有雙手，並且懂得控制雙手，做吮吸手指等動作，此時家長可以為BB準備咬咬膠及搖鈴等玩具。咬咬膠可以訓練佢哋嘅抓握能力、緩解出牙時嘅不適，而搖鈴會發出聲音，鍛煉BB聽覺發育，讓BB可以跟住聲音移動去尋找物件。

【階段三】7至9個月：球類玩具、布書

呢個階段嘅BB會開始學習爬行，利用BB喜歡嘅玩具可以吸引他們向前爬，鍛煉BB嘅四肢協調能力。觸覺球算係比較適合嘅球類玩具之一，除左色彩豐富之外，凹凸不平嘅表面亦可刺激BB對圖案及觸覺嘅認知，球在滾動時亦可吸引BB爬行。此外，布書可滿足此階段BB喜歡拉扯、撕紙嘅行為，翻開布書每一頁都會發出聲響，配合拉扯、搓揉、撕貼、按鈕發聲等遊戲功能，可提高BB嘅認知能力。

【階段四】10至12個月：積木、學行車

10至12個月嘅BB會開始扶站，發出簡單的聲音，做出細微的動作，此階段可嘗試比複雜型嘅玩具佢哋玩，例如積木係訓練BB智能發展嘅好開始，一開始可能會唔知道點玩，但好快就會發現BB會默默堆砌起來。其次，學行車亦係適合嘅玩具之一，帶有聲光功能嘅學行車，可以吸引BB扶著站立並行走，但家長要注意使用嘅時候要陪伴在側，或在厚墊上使用，以防BB跌傷。

【階段五】1至2歲：益智玩具箱、木馬

1至2歲嘅幼兒正處於發展大動作及基本認知階段，例如行路、認識事物、理解因果關係等，因此扭轉開關、穿珠珠等玩具都係唔錯嘅選擇，訓練手眼協調能力嘅同時，亦能帶領BB理解因果關係。另外，具有搖晃設計嘅玩具，能鍛煉BB嘅大肌肉發展，有助BB發展平衡感，例如小木馬、鞦韆等。

【階段六】2至3歲：畫板、角色扮演玩具

2歲以後嘅玩具主要針對進一步訓練BB雙手嘅掌控能力及思維能力，如果你發現呢個階段嘅BB捉實畫筆唔放，用手臂來回畫出線條，咁你可以買塊畫板，比BB喺畫板上任意塗鴉，對BB嘅繪畫能力發展大有好處。另外，角色扮演玩具，例如醫護玩具、煮飯仔玩具等，可以訓練BB獲得生活體驗和常識，讓他們發揮想象力及創造力，係大腦知識整理必經嘅過程。

總而言之，父母喺BB玩玩具時應該由得佢地自己摸索，唔需要干涉太多，例如不應同BB講「唔係咁玩架」之類嘅說話，以免影響專注力。只要俾多啲耐性引導佢哋，自然能培養出精叻BB！

小貼士：屋企逼逼夾夾，想騰出更多活動空間比BB都難？搵蘋果迷你倉幫您啦！將唔經常使用嘅物品存放入倉，屋企空間多咗，就可以買各式各樣嘅啟蒙玩具俾小朋友啦！查詢或預約睇倉：8208 9822。