一到三、四月回南天，天氣潮濕悶熱，濕度又高，曬唔乾嘅衣物最易有異味，物品同家具有可能因受潮而發霉損壞，如果受損嘅係一啲好有紀念價值或重要嘅物品，就真係令人頭痛又心痛！所以有人會選擇將衣物用品放入倉存放。除咗因為可以為屋企騰出更多空間之外，亦有部份人考慮到倉有24小時冷氣系統，有一個通爽又企理嘅存放環境，對住呢啲潮濕嘅天氣都冇有怕！

喺呢啲濕濕淋淋嘅天氣，如果選擇將物品或家具存放喺倉，點樣去做防潮吸濕嘅準備，先會令佢哋保存得更好？睇睇以下嘅打理方法！

一）衣物篇

衣物收藏之前一定要清洗乾淨，趁有陽光嗰陣拎去曬下太陽，如果天氣真係不似預期嘅話，最好出動乾衣機、抽濕機去抽乾衣物嘅水份，保持衣物基本嘅乾爽係必需嘅。

二) 鞋子篇

鞋同衫其實都一樣，都會吸收體味同濕氣，所以喺放入倉之前，最好先將鞋抹乾淨，至於皮鞋同女士最愛嘅長Boots可以塞入報紙或鞋撐支撐，咁就可以減少鞋變型嘅機會同有吸濕效果。

三) 家具篇

家具放入倉前最好先完全包好，有啲家俬，例如層板櫃、書枱等等，一般係可以拆件嘅，拆開存放可以更加慳地方，但係要記住將拆出嚟嘅小零件標示清楚同妥善安放，再以泡泡紙或保鮮膜包好，以防碰撞破損，最好用埋紙板保護家具嘅角位同玻璃部份，咁就至穩陣！

四) 防潮除臭小幫手

衣物同棉被可以用布袋或真空儲物袋壓縮收藏，鞋可放入鞋袋，再喺袋面寫好標記，當你下次拎返出嚟用嗰陣，一眼就可以知道入面係咩物件。

唔少人都會用「紅白藍」、紙箱收納物品，如果想令收納品保持更乾爽，就最好將佢哋收入膠箱，再以防潮珠、吸濕盒、樟腦丸、活性炭等吸濕，亦可以放入香皂，或者裝滿茶葉、乾花或咖啡渣嘅紗布袋，呢啲天然方法防蟲又除臭。

防潮工具

蘋果迷你倉有多年經營經驗，分店遍佈全港各區，有信心保證。我們設有24小時冷氣系統，環境通爽舒適，重提供多種尺寸嘅倉選擇，無論你想放衣物、小型用品抑或大型家具，一年四季都幫到你！