仲有唔夠一個月就到聖誕節啦！除咗準備聖誕禮物之外，佈置家居都係一大樂趣，只需簡單添置一些擺設，就可以將聖誕節氣氛帶返屋企。無Idea唔知點佈置？不妨看看以下推介嘅聖誕節必備裝飾品啦！

1. 聖誕餐具

無論您係打算自己親手响屋企準備聖誕大餐，抑或佳節期間懶得就懶嗌Party Food到會搞掂，點都唔少得要買返幾套聖誕餐具應節，聖誕美食再配上精美嘅擺盤，最適合相機食先嘅您打卡影靚相！

2. 長條形餐桌巾

有無發覺，响屋企張飯枱食聖誕大餐，就算啲美食有幾咁好食，啲小朋友食得有幾咁開心，都同平時响屋企食飯無大分別?無錯，就係差咗一塊餐桌巾啦。只需要擺放一塊北歐風嘅餐桌巾，就可以令你猶如置身北歐小鎮享受聖誕大餐，大家唔好睇少呢塊布嘅威力呀，佢可以令晚餐嘅CP值迅速提升！

3. 蠟燭

香港人未必家家戶戶都會有燭臺，其實燭臺係可以襯托出聖誕嘅節日氣氛架，除咗可以擺放喺餐檯上點綴您嘅聖誕大餐之外，您亦可將蠟燭穿插擺放喺聖誕家飾中，為您家中嘅佈置帶出畫龍點睛嘅視覺效果。

4. 燈串

講到聖誕裝飾，就梗係唔少得「閃令令」嘅燈串啦，燈串唔單止可以增加聖誕節嘅氣氛，仲可以令平日嘅家居氣氛變得更柔和！最方便嘅係燈串可以隨意改動位置、形狀，成為家中一道亮麗嘅裝飾品。

5. 聖誕樹

雖然响香港無乜可能會過到白色聖誕，但係白色必定係聖誕節不可或缺嘅顏色。小編建議，各位可以响屋企擺設以白色為主色嘅聖誕樹，比較時尚之餘跟更可襯托冬日氣氛，加上閃令令嘅星星燈串、木製雪花等做裝飾，小朋友一定鍾意！如果屋企唔夠位擺聖誕樹，可以選擇體積較小嘅懸掛式聖誕樹，加上絲帶、雪花、燈串等配件，掛上牆身或者窗口，一樣靚到嘩嘩聲! 

6. 攬枕

梳化可能係您屋企個廳最常用嘅傢俬之一，當然亦要加添一啲聖誕氣氛啦！譬如話用一啲聖誕節嘅標誌性圖案，例如麋鹿嘅圖案，作為攬枕主題，再以深淺色交錯擺放，咁就有聖誕氣氛之餘，又營造到鮮明嘅視覺效果啦。

小貼士：佳節過後，裝飾品功成身退但又無地方收納？搵蘋果迷你倉幫您啦！其他唔經常使用嘅家居雜物、換季衣物、以及轉咗季就唔常用嘅家庭電器等等，都可以一齊存放入倉。依家仲有上門迷你倉服務at HOME，讓您的物品猶如儲存在家一樣。查詢或預約服務：8208 9822。