化妝樓，顧名思義就係業主將單位翻新裝修，粉飾有瑕疵嘅地方，令層樓表面睇上去美輪美奐，務求賣到更好價錢。你以為業主幫你慳落大筆裝修費？咁諗就真係太天真啦，到住落先發現要經常執漏，代價真係超乎想象。要做個精明買家，一定要學識以下6招，讓化妝樓無所遁形！

延伸閱讀：
【裝修前必看】家居裝修暗藏5大陷阱
蝸居裝修大法4招助您增加細單位空間感

六招識別化妝樓：

1. 牆身扮新淨

表面睇落去係全新嘅瓷磚或靚靚牆紙，以為好乾淨企理，其實有機會係業主掩飾牆身滲水嘅手段，最方便嘅遮掩方法就係直接油上深色嘅油漆，其實一撕開牆紙可能會發現牆身有剝落、滲水等問題。

2. 廁所及廚房天花

因為長年嘅水氣和油煙積聚，廁所以及廚房嘅天花相對於其他天花會老化得快，分離和剝落問題都較易發生，這種情況業主通常會以假天花處理，所以買家睇樓時可帶備電筒，打開假天花睇清楚裡面有冇滲水或剝落等問題。

3. 傢俬遮醜

有啲業主會利用龐大嘅傢俬去遮擋有問題嘅地方，特別係浴室、窗邊、或牆身等容易滲水嘅位置，可以嘅話喺睇樓時盡量移開傢俬檢查清楚。

4. 暗喉漏水

有時業主聲稱關了水喉總制，或以冇交水費為由，令買家試唔到全屋嘅來去水，從而隱藏暗喉漏水嘅問題，到買家入住後先發現有暗喉出現漏水情況。因此，檢查時應試吓沖廁、開關水喉，留意可有明顯的滲水情況。

5. 假電制

電制都有假？無錯，有啲電制可能只係裝咗個蓋，實際上係冇接駁任何電線，買家入住後如要重新舖過電線，會係非常複雜嘅工程。所以喺睇樓時，要check清楚每個電制是否有電到！

6. 新地板遮掩

睇樓時，如果喺地板上走動時發出「依依」聲，又或者有啲不尋常嘅厚度，甚至覺得地台不合理地升高了，咁呢間好可能係化妝樓啦！原因係地板冇剷底就直接舖上平價嘅纖維板，令地板睇落好平滑咁！

簡單嚟講，建議大家買二手樓前，記得要再三檢查清楚每個角落，睇吓會唔會有啲隱藏咗嘅滲水、剝落等問題，有需要的話，可以聘請專業人仕(譬如近年坊間興起嘅驗樓師)幫手，做多少少功夫，就可以好好保障自己同自己個荷包啦！

小貼士：講到搵專業人仕幫手，如果您有任何儲物需要，蘋果迷你倉一定可以幫到您！無論您住大屋定細屋，私樓定唐樓，蘋果迷你倉都可以為您提供不同類型嘅儲存方案，仲有全新上門迷你倉服務at HOME，可按客人需要而自訂租用面積，經濟實惠。查詢或預約服務：8208 9822。