香港人生活節奏急速，一到假日就梗係要放鬆下啦，周末短短兩三日假期有咩好節目?有無諗過去郊外踩單車呢?可以郁動一吓之餘又可以呼吸新鮮空氣，都係一個唔錯嘅選擇。唔想踩嚟踩去都係沙田同大埔? 咁就啱啦，今次蘋果迷你倉為大家搜羅了幾條新興嘅單車路線，適合一家大細一齊出遊，計劃假日放鬆身心嘅您千萬不能錯過！

路線一：西九文化公園

西九文化公園坐落維多利亞港海旁，集藝術、教育及公共空間於一身。公眾可在此一邊踩單車，一邊飽覽維港景色，場內更設有一大片綠油油嘅草地，環境舒適之餘，仲可以係草地上面野餐添！

路線二：尖鼻咀

尖鼻咀單車路線是一個自然生態及觀鳥之旅，行程可以由天水圍開始，經流浮山前往尖鼻咀。沿途人車較少，可盡情享受自然風光。走上尖鼻咀觀鳥台，更可遠眺拉姆薩爾濕地，大家不妨帶個望遠鏡來捕捉各種雀鳥嘅蹤影。回程時仲可以到附近嘅尖鼻咀有機農莊買新鮮火龍果返屋企慢慢嘆添！

路線三：元朗大棠

近年元朗大棠嘅單車路線因為紅葉熱潮而變得越嚟越受歡迎。漁農自然護理署更特別為此製作「紅葉指數」，為公眾提供紅葉預測情報。想一邊踩單車，一邊觀賞紅葉嘅朋友，可以由元朗西鐵站單車徑開始，經朗河路進入水蕉新村路，再進入大棠山道觀看紅葉。呢條路線沿途可經過不同景點，如欖喜路塗鴉渠道、朗河路鐵皮隧道，行程充實精彩！

路線四：機場維修區

唔好以為機場維修區只係影相打卡勝地，原來呢度都可以踩單車架，不過難度會較其他路線高，沿途亦會有車經過，所以要特別小心架！想踩車入去嘅朋友可由港鐵東涌站作為起點，然後直接踩入機場維修區，大概需時一個鐘啦。沿途可以欣賞到海景，順便睇埋個日落，認真寫意！

路線五：迪欣湖

迪欣湖鄰近香港迪士尼樂園，佔地約30公頃，是香港最大的人工湖。平坦嘅單車徑環繞著整個湖，湖中央有個動感十足嘅噴泉，景色宜人，適合一家大細或三五知己郊遊。湖內更有一大片草地，非常適合踩單車後野餐。而迪欣湖其中一個亮點，就係美人樹啦，每年11月至12月都會開花，迪欣湖美人樹係被譽為香港開得最燦爛嘅美人樹之一！

小貼士：曾經試過為單車存放問題而感到煩惱？搵蘋果迷你倉幫手啦！蘋果迷你倉提供各種呎吋嘅迷你倉，您可存放大人或小朋友嘅單車裝備、換季衣物、玩具、收藏品、及一般家居雜物等。依加仲有上門迷你倉服務at HOME，專人上門為您收取及儲存物品，待您有需要再將物品送回府上，最適合存放不會經常提取的物品！查詢或預約睇倉：8208 9822。