話咁快又就嚟到冬天啦，暖風機/暖爐係呢段期間會成為唔少家庭嘅寶物，如果你有意喺今個冬天購入一部暖風機，你又識唔識得揀？蘋果迷你倉即刻為你分析吓！

不同種類的暖爐有何優劣之處？

1. 對流式暖爐

優點：對流式暖爐嘅發熱器位於暖爐底部，由下向上輸出暖氣，可令室內唔同位置嘅溫度變得平均，而且溫度又唔會太高。
缺點：大部分對流式暖爐體積偏大，移動較不方便，適合擺放喺較大嘅房間或客廳固定嘅位置。

2. 吹風式暖爐（暖風機）

優點：暖風機以內置風扇將暖風迅速送出，開啓後室內能立即變暖。它體積較小，較易移動，而大多暖風機都可調校熱風輸出的方向，非常方便。
缺點：運作聲音較大，送暖範圍較細，適用於小房間。

3. 輻射式電暖爐

優點：輻射式電暖爐透過內置發熱管或發熱線產生熱力，以背後的反射鏡集中光熱，發熱速度快。
缺點：發熱範圍窄不平均，用家需正面對著暖爐才能取暖。

4. 充油式暖爐

優點：充油式暖爐首先將機內嘅化學油加熱，再散播熱力。爐身溫度與散熱較均勻穩定，送暖範圍相對較廣，無其他類型嘅暖爐咁乾燥，運作時較靜。
缺點：體積較大，而且要事先將油加熱，不能即開即暖。

選購暖風機/暖爐小貼士

1. 1呎需要1瓦特(Watt)

一般而言，1立方呎嘅空間需要1瓦特(Watt)熱力。換言之，空間較細嘅房間，可選購Watt數較少嘅暖爐。

2. 配備加濕功能更佳

使用暖風機容易令空氣變得乾燥，皮膚變得繃緊。在選購時可留意出風口有冇自動搖擺功能，令送出嘅暖風角度更廣，減少乾燥機會。另外，可選購內置加濕器功能嘅暖風機，令室內變得又暖又保濕。

3. 有隔塵網易清理

暖風機同冷氣一樣，頻繁使用會較易積聚灰塵，影響暖風機效能。如暖風機有隔塵網設計，便可整個拆下清洗，避免灰塵積聚。

4. IP標示防水級別

部分人喜歡沖涼時開暖爐，特別係冬天幫BB沖涼，暖爐真係唔少得。電器遇水後果可大可小，想知暖風機防唔防水，要查看包裝上是否印有IP防水標示。其中IP21代表可防禦一般滴濕，而IP24代表通過潑水測試，防水能力最高。

唔單止暖風機，季節性使用嘅電器（如風扇、抽濕機、空氣清新機等）都需要放喺清涼、乾爽、少塵嘅地方，以確保電器保持最佳效能，不妨搵蘋果迷你倉幫你啦！全新推出嘅上門迷你倉服務at HOME，有專人上門幫您將物品運送入倉或將物品由倉送回府上，讓您足不出戶便可享受家以外的額外儲存空間！查詢或預約服務：8208 9822。