什麼是黴菌？

黴菌或霉菌係真菌嘅一種，即俗稱嘅「發毛」，通常喺牆身、廚房、或洗手間等陰暗位置容易搵到，若衣物、手袋、食物等處置得唔正確，也非常容易滋生有毒嘅黴菌。黴菌嘅繁殖速度好得人驚，可數以萬計地倍增，若人體長時間暴露於有大量黴菌嘅環境之中，會增加患上呼吸道疾病、過敏、甚至罹患癌症嘅風險。喺家居保養上，要杜絕黴菌最好嘅辦法係從防霉工作做起，發現黴菌先去處理就太遲啦！

5種環保的防霉防潮方法：

1. 茶葉

眾所周知，飲茶嘅好處多不勝數，咁你又知唔知原來茶葉仲有防霉嘅作用？茶葉帶有天然嘅茶香，有極佳嘅除味效果之餘，仲有效吸走空氣中的水分，抑制黴菌生長。只需用透氣的茶袋或布袋包好茶葉，置於臥室、櫥櫃、衣櫃、鏡櫃等地方便可，記得2至3個月更換一次茶葉呀！

2. 報紙

由於網上資訊發達，今時今日好多人都唔會再買報紙，但係其實除咗了解時事同增廣見聞之外，報紙仲有好多用途架！報紙裡面嘅本纖維係具有吸濕效果嘅，將報紙捲起後放入衣櫃內，可以幫助吸走衣櫃裡面嘅濕氣，但要記得每個月都更換一次，以達到更佳的防霉吸濕效果。

3. 洗衣粉

先將洗衣粉倒入紙杯，然後用錫紙或者膠袋封好杯面，並用橡筋箍好，再响杯面拮幾個小孔，跟住就可以放置於鋅盤下方等容易積聚水氣的地方，就可做到防潮防霉的作用，就算洗衣粉因吸收水氣而結塊，也可繼續用來洗衣服，唔會造成浪費。

4. 竹炭

竹炭是非常天然的吸濕防霉好物，使用方法與茶葉相若，將竹炭敲碎放入防潮袋中即可。不過要記得定期將竹炭袋取出晒太陽，經紫外線消毒殺菌後可循環使用。

5. 保持室內環境通爽

家中雜物多，容易堆砌出更多的陰暗位，濕氣有機會被困於陰暗位置，從而滋生大量黴菌。想要防止黴菌衍生，最簡單直接嘅方法係減少室內雜物，狠狠地「斷捨離」，清理不必要的物品，盡量保持室內環境通爽。

不過，所謂「有頭髮邊個想做癩痢」，係人都知屋企雜物成座山咁好容易發霉，只係礙於空間有限而被逼堆滿雜物。係呢個時候，蘋果迷你倉或者幫到您，將部分不經常使用嘅物品放在迷你倉，可以為自己和家人騰出更多生活空間，而且蘋果迷你倉有24小時冷氣抽濕，不必擔心物品會發霉。查詢及預約睇倉：8208 9822。