日本人都愛用 8大家居必備收納神器

香港地寸金尺土，每一寸空間都非常珍貴，善用空間收納家中物品一定係每個香港人必備嘅技能。今日小編整理咗8個非常實用嘅收納神器，全部都可以網購到，睇睇有冇邊款適合用喺您屋企啦！

相信不少愛美之人都有數之不盡嘅鞋，鞋櫃塞到爆又亂糟糟，好多時仲係一對疊一對，其實咁樣係好容易令鞋面受損架。不過，只要用咗「鞋子收納架」之後，鞋櫃即刻提升兩倍容量，仲可以更好地保護鞋面添！

想喺櫃入面加塊層板，但又唔想喺裡面鑽窿？可以試下用「免打孔伸縮分層隔板」，如果您選購較硬淨嘅材質，例如不鏽鋼管，承重量可達30公斤，能夠擺放家中大部分瑣碎雜物，瞬間提升家居收納空間！適用於衣櫃、廚櫃、儲物櫃、鞋櫃等位置。

「分格收納箱」可以將內衣、襪子、皮帶等衣飾整齊分類。您可以將收納箱一層層疊起存放，亦可以放置於櫃桶中，咁樣櫃桶就唔會經常被摷到雜亂無章。收納箱嘅間隔有唔同組合，您可以按照自己需要去購買適合嘅間隔。

伸縮桿在屋企任何地方都可以將收納作用發揮得淋漓盡致！不如直接睇睇以下嘅示範：

「夾縫收納籃」適合放喺屋企任意地方，特別係有夾縫嘅位置，例如係雪櫃同牆身之間嘅空位，讓「唔起眼」嘅空間能夠充分被利用。另外，打邊爐嘅時候仲可以當車仔咁上餸添！

相信好多人都有類似經驗，喺衣櫃搵衫好似翻箱倒海咁，想搵嘅衫永遠唔知收埋響邊，好啦，最後好唔容易比您摷到件衫，其他衫早已經搞到亂晒龍，總之衣櫃一直都會保持凌亂狀態。其實想衣櫃整齊啲？用「叠衣板」就得啦，如上圖所示，所有衫一目了然，輕輕鬆鬆就拎到想著嘅衣物！

「多層褲架」可一次性掛多條褲或裙，掛起嘅衣物唔會輕易起皺褶。其承重可達10公斤，掛厚重嘅褲都冇問題，而且仲非常慳位添！

同場加推：本地神器

當然啦，香港嘅居所空間實在有限，如果上述神器都解決唔到您嘅儲物難題，呢個時候就要出絕招啦！即係點?咪就係搵蘋果迷你倉幫手囉！蘋果迷你倉分店遍佈港九新界，提供不同呎吋嘅迷你倉，環境乾淨整潔，絕對係您嘅收納好幫手！查詢或預約睇倉：8208 9822。