日本人都愛用 8大家居必備收納神器

香港地寸金尺土,每一寸空間都非常珍貴,善用空間收納家中物品一定係每個香港人必備嘅技能。今日小編整理咗8個非常實用嘅收納神器,全部都可以網購到,睇睇有冇邊款適合用喺您屋企啦!

神器一:鞋子收納架

相信不少愛美之人都有數之不盡嘅鞋,鞋櫃塞到爆又亂糟糟,好多時仲係一對疊一對,其實咁樣係好容易令鞋面受損架。不過,只要用咗「鞋子收納架」之後,鞋櫃即刻提升兩倍容量,仲可以更好地保護鞋面添!

神器二:伸縮分層隔板

想喺櫃入面加塊層板,但又唔想喺裡面鑽窿?可以試下用「免打孔伸縮分層隔板」,如果您選購較硬淨嘅材質,例如不鏽鋼管,承重量可達30公斤,能夠擺放家中大部分瑣碎雜物,瞬間提升家居收納空間!適用於衣櫃、廚櫃、儲物櫃、鞋櫃等位置。

神器三:分格收納箱

「分格收納箱」可以將內衣、襪子、皮帶等衣飾整齊分類。您可以將收納箱一層層疊起存放,亦可以放置於櫃桶中,咁樣櫃桶就唔會經常被摷到雜亂無章。收納箱嘅間隔有唔同組合,您可以按照自己需要去購買適合嘅間隔。

神器四:伸縮桿

伸縮桿在屋企任何地方都可以將收納作用發揮得淋漓盡致!不如直接睇睇以下嘅示範:

喺洗手間掛一條伸縮桿,方便整理衣物、毛巾等。
放係廚房,加上幾個S型掛勾,又可以收納廚具。
連鋅盆底嘅空間都可以放多幾支清潔劑啊!

神器五:仿藤收納籃

「仿藤收納籃」可用作收納玩具、沐浴用品、待洗衣物等,加上其外觀簡潔時尚,實用又防水,絕對係文青之選!

神器六:夾縫收納籃

「夾縫收納籃」適合放喺屋企任意地方,特別係有夾縫嘅位置,例如係雪櫃同牆身之間嘅空位,讓「唔起眼」嘅空間能夠充分被利用。另外,打邊爐嘅時候仲可以當車仔咁上餸添!

神器七:叠衣板

相信好多人都有類似經驗,喺衣櫃搵衫好似翻箱倒海咁,想搵嘅衫永遠唔知收埋響邊,好啦,最後好唔容易比您摷到件衫,其他衫早已經搞到亂晒龍,總之衣櫃一直都會保持凌亂狀態。其實想衣櫃整齊啲?用「叠衣板」就得啦,如上圖所示,所有衫一目了然,輕輕鬆鬆就拎到想著嘅衣物!

神器八:不鏽鋼多層褲架

「多層褲架」可一次性掛多條褲或裙,掛起嘅衣物唔會輕易起皺褶。其承重可達10公斤,掛厚重嘅褲都冇問題,而且仲非常慳位添!

同場加推:本地神器

當然啦,香港嘅居所空間實在有限,如果上述神器都解決唔到您嘅儲物難題,呢個時候就要出絕招啦!即係點?咪就係搵蘋果迷你倉幫手囉!蘋果迷你倉分店遍佈港九新界,提供不同呎吋嘅迷你倉,環境乾淨整潔,絕對係您嘅收納好幫手!查詢或預約睇倉:8208 9822。