2019年最新一期居屋申請早於6月中結束，房委會總共收到30萬份申請，而6個新居屋屋苑合共僅得4871個單位，申請人數足足超額認購61.5倍，可想而知市場對居屋係幾咁渴求。

房委會出售單位詳情如下：

地區	地址	屋苑	棟數	單位 數目	折減41% 後的售價 (港元／單位)	實用 面積 (平方呎)	預計關鍵 日期
何文田	常樂街 5號*	冠德苑	3	603	325萬 至529萬	443至567	2019年9月30日
長沙灣	發祥 街西 5號*	凱德苑	1	814	195萬 至435萬	278至522	2020年10月31日
葵涌	德士 古道 69號*	尚文苑	1	494	177萬 至354萬	286至458	2020年6月30日
將軍澳	至善街 5號*	雍明苑	2	1,395	183萬 至455萬	282至568	2020年8月31日
馬鞍山	恆健街 8號*	錦暉苑	1	735	156萬 至348萬	275至455	2020年10月31日
沙田	㘭背灣街 23號*	旭禾苑	1	830	173萬 至336萬	293至462	2020年10月31日

*門牌號數為臨時號數，有待房委會確認
#資料來自房委會及1823

其中一位申請人表示，已連續幾年為個仔遞交表格，爭崩頭都要爭，希望抽中，個仔先有機會結識女朋友喎。雖然小編認為「有樓」同「有女朋友」未必係對等嘅關係，但「有樓」相信係重要嘅參考指標之一，香港男士們嘅壓力可見一斑……

小編嘅朋友L先生都係今期居屋嘅申請人，喺某次閒聊時傾到原來佢有意同拍拖4年嘅女朋友拉埋天窗，但女朋友表示希望抽中居屋，有個安樂窩先考慮結婚，所以L先生就拿拿臨申請左。但係佢自己亦十分矛盾，一方面希望抽得中，但另一方面又擔心抽中之後嘅供款問題，因為自己父母嘅經濟能力有限，就算抽中都無法為佢供款，唯有自己向銀行申請貸款。

以上兩個case聽落好似好物質化，但無可置疑呢個係好現實嘅問題，因為婚前婚後絕對係兩個唔同嘅世界，包括與同住家人嘅磨合、肩負嘅責任、生活模式嘅轉變等等。所以，一個獨立安穩嘅居所，係不少香港人拍拖或結婚嘅基石，但當你有左呢塊基石嘅時候，換嚟嘅係每個月要拎一大截嘅收入供款，有時仲要犧牲個人娛樂，展開二、三十年節衣縮食嘅樓奴生涯，真係諗諗下都覺得辛酸！

不過咁，未上到車，又想同伴侶先嘗試同居生活，都唔係無辦法。如果屋企需要住多個人，少不免要重新執好屋企嘅雜物去釋放更多空間，而執咗出嚟嘅雜物都未必一定需要丟棄嘅，不妨考慮將家中唔經常使用的物品存放於迷你倉，好似換季衫褲、被舖、暖風機、行李箱、傢俬等，未用得著嘅物品可以先存放到迷你倉，等轉季或有需要嘅時候先取出，咁就唔使塞爆家中每個角落啦！

蘋果迷你倉現提供6至210呎嘅倉，你完全可以按照個人需要租用大小合適的倉，我哋亦有經驗豐富嘅儲存顧問幫你，毋需浪費金錢租用多餘空間！新客戶由即日起於網上租倉，仲送你$400運輸費回贈，更多精彩優惠可按此了解。